Koronavirusun profilaktikası, müayinə və müalicəsi ilə bağlı təlim keçiriləcək

Səhiyyə Nazirliyi İctimai Səhiyyə və İslahatlar Mərkəzi (İSİM) və TƏBİB təşkilatçılığı, Uptodate İn Medicine təşkilati və texniki dəstəyi ilə "COVİD-19. İnfeksion nəzarət və profilaktika. Müayinə və müalicə" dair təlim keçiriləcək.

e-tibb.az xəbər verir ki, təlimlər 15-16 aprel 2020-ci il tarixində baş tutacaq.

Təlimdə bu mövzular əhatə olunacaq:

- COVİD-19-a infeksion nəzarət və tibb müəssisəsinin hazırlığı
- Tibb işçiləri arasında kontakt, hava ve damcı yolu ilə yoluxmanın profilaktikası
- Fərdi qoruyucu vasitələr: geyinmə ve soyunma
- COVİD-19 zamanı radioloji müayinənin əsasları
- Asimptomatik COVİD-19 xəstələrinin menecmenti
- Yüngül simptomlu xəstələrin menecmenti
- Reanimasiya şöbəsində COVİD-19 olan ağır və çox ağır xəstələrin menecmenti: Türkiyə və ABŞ təcrübəsi
- Mexaniki ventilyasiya ve oksigenasiya
- Qan qazlarının interpretasiyası
- KRDS ve şokun menecmenti
-İntubasiyaya göstərişlər. Çətin intubasiya.
-COVİD-19 dövründə ACLS və GÖY KOD

Təlim 10:00-dan 16:00-dək davam edəcəkdir.

Sertifikat online formatda olacaq.
Təlim ödənişsizdir.
İştirak etmək üçün qeydiyyatdan keçmək vacibdir.

Təlim İSİM-də keçiriləcək, 10 nəfər üçün məhdudlaşdırılıb, digər bütün iştirakçılar təlimdə online qoşula biləcəklər.