27 İyun 2019
“Yay fəsli gələn kimi ilk fürsətdə uşaqları kənd mühitinə aparın. Onlara kənd atmosferi həddindən artıq lazımdır”.
Bunu pediatr-neonatoloq, uzman həkim Altay Abdullaoğlu açıqlayıb.
Həkim deyib ki, uşaqların immun sisteminin möhkəmlənməsində nəinki kənd havasının və qidalarının, hətta tozunun, torpağının da böyük rolu var: “Kəndin havası, heyvanlarla münasibət körpələrdə immun sistemini yüksək şəkildə aktivləşdirir. Bu müddətdə güclənmiş immun sistem payız və qışın xəstəliklərinə qarşı qüvvə toplamış olur. Bunu elmi araşdırmalar da təsdiqləyir”.