Tək-tək hallarda kəskin respirator virus infeksiyaları müşahidə edilir - Nazirlik

Hər il olduğu kimi bu il də payız-qış mövsümünün başlanması ilə əlaqədar əhali arasında qrip və kəskin respirator virus infeksiyaları üzərində epidemioloji monitorinq aparılır. e-tibb.az xəbər verir ki, bu barədə Səhiyyə Nazirliyi məlumat açıqlayıb.

Məlumata görə, hazırda Azərbaycanda kəskin respirator virus infeksiyaları və qriplə bağlı epidemioloji vəziyyət sabitdir. Mövsüm dəyişikliyi ilə əlaqədar tək-tək hallarda kəskin respirator virus infeksiyaları müşahidə edilir, artım yoxdur.