31 İyul 2019
Avqustun 1-2-də Abşeron yarımadasında isti temperatur diskomfortu gözlənilir.
e-tibb.az-ın xəbərinə görə, bu barədə Ekologiya və Təbii Sərvətlər Nazirliyinin Milli Hidrometeorologiya Departamentinin tibbi-meteoroloji proqnozunda bildirilir.
Məlumatda bildirilir ki, gözlənilən isti temperatur diskomfortu meteohəssas insanlar üçün əlverişsizdir.
Sabah Abşeron yarımadasında havanın temperaturu gecə 22-27, gündüz 33-38, Bakıda gecə 24-26, gündüz 35-37 dərəcə isti təşkil edəcək.
Atmosfer təzyiqi normadan aşağı 752 mm civə sütunundan 755 mm civə sütununa yüksələcək, nisbi rütubət gecə 65-75, gündüz 40-50 faiz olacaq.