Çində 3d texnologiyası ilə yaradılan sümük toxuması xəstəyə köçürülüb

Çinli alimlər tibb sahəsində mühüm kəşfə imza atıblar.

Çinin Hunan əyalətindəki xəstəxanalardan birində çalışan cərrahlar 3D texnologiyası ilə sümük toxuması yaradıblar.

“China Daily”nin yaydığı xəbərə görə, həkimlər tantaldan istifadə edərək 3D çap vasitəsi ilə məsaməli eşafot yaradıb və çanaq oynağında yeyilmə baş verən 39 yaşlı xəstəyə köçürüblər.

Həmin şəxs ikinci mərhələdə olan oynaq yeyilməsində əziyyət çəkən yataq xəstəsiymiş.

Xəstə əməliyyatdan sonra ikinci gün ayağa qalxıb, üçüncü gün evə buraxılıb.

Bunu icra edən professor Hu Yihen və komandası bu iş üzərində 4 il boyunca çalışıb.

e-tibb.az