Canlı orqanizmə bənzəyən süni material yaradılıb

ABŞ-ın Kornel Universitetinin tədqiqatçıları canlı orqanizmlərin üç əsas xüsusiyyətini (özünütəşkil, maddələr mübadiləsi və inkişaf qabiliyyəti) göstərən bioloji material yaradıblar.

E-tibb.az-ın ict.az-a istinadən verdiyi məlumata görə, materialın əsasında iyerarxiya materiallarının toplanması və sintezini təmin edən dezoksiribonuklein turşusu dayanır. Maddələr mübadiləsi və bərpası üçün təlimat birbaşa materialda düzgün şəkildə kodlanır və nəticədə selik kimi bir maddənin istehsalı sayəsində irəliləyir. Hərəkət tamamilə aşkar üsulla baş verir. Belə ki, seliyin yeni sapları ön tərəfdən böyüyür və materialı irəli çəkirlər, arxadakı saplar isə qırılır və parçalanır.

“Biz süni maddələr mübadiləsinə əsaslanan materialın tamamilə yeni konsepsiyasını tətbiq etdik. Biz canlı orqanizm deyil, daha həqiqi görünən materiallar yaradırıq”, – deyə tədqiqat müəlliflərindən biri Den Luo söyləyib.

Alimlər bildirirlər ki, materialda gedən proseslərə insan müdaxiləsi tələb olunmur. Material primitiv olsa da, canlı orqanizmlərə bənzəyən robotların yaradılmasında əsas rol oynayacaq.

Gələcəkdə tədqiqatçılar materiala qida və işıq kimi müxtəlif qıcıqlandırıcıları cəlb etməyi öyrətmək, həmçinin materialın yararlılıq müddətini artırmaq niyyətindədirlər. Bütün bunlar tamamilə mümkün sayılır, çünki tədqiqatçılar hələ ki, biomolekullardan robotların yaradılmasının birinci mərhələsindədirlər.

e-tibb.az