Virusa yoluxub sağalanlarda qoruyucu immunitet nə qədər davam edir?

Koronavirus infeksiyası keçirmiş insanlarda bu xəstəliyə qarşı aktiv toxunulmazlıq üç-beş ay davam edir.
Rusiya Mərkəzi Tədqiqat Epidemiologiya İnstitutunun direktoru, akademik Vasiliy Akimkin ilkin araşdırma məlumatlarına istinadən bildirib ki, üçüncü aydan sonra Covid-19-dan sağalmışların toxunulmazlığı azalmağa başlayır.

O, elmi-tədqiqat institutunun, xəstələnmiş və izlənən çoxlu sayda işçisinin təcrübəsinə toxunub: “Xəstəlikdən qurtulduqdan sonra toxunulmazlıq üç-beş ay davam edir, sonra tədricən yox olmağa  başlayır. Üçüncü aydan sonra da toxunulmazlıq səviyyəsində azalma görürük”.

Epidemioloq tədqiqat institutunun əməkdaşları arasında  təkrarlanan xəstəlik hallarının olmamasını toxunulmazlıqların hüceyrə səviyyəsində formalaşmasında görür. Eyni zamanda, V. Akimkin antikorların hansı səviyyədə qoruyucu olduğunu təyin etmək üçün əlavə araşdırmalara ehtiyac olduğunu qeyd edib. Onun sözlərinə görə, bu, peyvəndin vaxtını təyin etməyə kömək edəcək. 

 

e-tibb.az