İş yerləri

Haqqında

1977-ci ildə Bakıdakı 190 saylı orta məktəbi bitirib.

1983-cü ildə Azərbaycan Tibb Universitetinin Müalicə-profilaktika fakültəsini fərqlənmə diplomu ilə başa vurub. 1983-1984-cü illərdə  Elmi-Tədqiqat Kardiologiya İnstitutunda İnternatura keçib.

1991-ci ilədək Elmi Tədqiqat Tibbi Bərpa İnstitutunun Sinir xəstəlikləri şöbəsinin aspirantı olub. Həmin il Moskvada  Ümumittifaq Tibbi Reabilitasiya və Fiziki Terapiya Elmi Mərkəzində namizədlik dissertasiyası müdafiə edib.

Elmi Tədqiqat Tibbi Bərpa İnstitutunun Nevrologiya şöbəsində, kiçik, böyük elmi işçi vəzifələrində çalışıb.

2004-cü ildə doktorluq dissertasiyası müdafiə edib.

Elmi-Tədqiqat Tibbi Bərpa İnstitutunda Kliniki-neyrofizioloji laboratoriyasının rəhbəri, Azərbaycan Respublikası Prezidenti yanında Ali Attestasiya Komissiyasının Nevrologiya üzrə ixtisaslaşdırılmış Elmi Şurasının, Səhiyyə Nazirliyinin Sertifikasiya Komissiyasının üzvüdür.

Hazırda Azərbaycan Tibb Universitetinin Tədris Terapevtik Klinikasında çalışır.