İş yerləri

Haqqında

Təhsili: 2001-2007-ci illərdə Azərbaycan Tibb Universitetində təhsil alıb, 2007-2008-ci illərdə Milli Oftalmologiya Mərkəzində internatura keçmişdir. 2012-2016-cı illərdə Elmi Tədqiqat Tibbi Bərpa İnstitutunda fizioterapiya və reabilitasiya üzrə rezidentura proqramını bitirmişdir.

İş təcrübəsi: 2009-2016-ci illərdə özəl tibb müəssisələrində fizioterapevt-reabilitoloq kimi başlamışdır. 2016-cı ildən Mərkəzi Gömrük Hospitalında həkim fizioterapevt-reabilitoloq vəzifəsində çalışır. Kurs və treyninqlər: 2011-ci ildə Almaniyanın Hamburq şəhərində Eppendorf Universitetinin Klinikasında treninq keçmişdir.

İcra etdiyi prosedurlar: Dr. Səidə Kərimova pasiyentlərdə vertebroloji, nevroloji reabilitasiyanı, ortopedik və neyrocərrahiyyə əməliyyatlardan sonra tibbi bərpa, ağrı sindromları, idman travmaları, pediatrik reabilitasiya və digər dayaq hərəkət, sinir, tənəffüs sisteminin xroniki və kəskin patologiyalarının müasir fizioterapevtik müalicəsini və reabilitasiyasını həyata keçirir. Son vaxtlar Avropada, ABŞ-da, İsrail və digər ölkələrdə skolioz xəstəliyinin müasir Schroth metodu ilə müalicəsi geniş istifadə olunur və Azərbaycanda bu müalicə üsulu ilk dəfə olaraq Mərkəzi Gömrük Hospitalında tətbiq olunur.

Səidə Kərimova skolioz xəstəliyinin müasir Schroth metodu ilə müalicəsində 3D idman hərəkətlərindən, xüsusi tənəffüs texnikasından istifadə edərək istənilən yaşda olan pasiyentlərdə skoliozun dərəcəsinin azaldılmasını, normal duruşun bərpasını və yeni metodla müalicəsini həyata keçirir.